طلبتك لاتخليني وانت تعرف ظروفي...

m

طلبتك لاتخليني وإنت تعرف ظروفي
إذا كان الزمن قاسي
قولي انا وش ذنبي
أعرف المسافه طويله بينك وبيني
وإذا إنت ماتعرف سبب غيابي
بقولك بس إذا غبت ثاني
أبيك على حالك تطمني
وما تقطع وصالك وتنسى حبيب صانك
تذكرني ولك مني طول العمر ذاكرتك
فديت قلبك لاينشغل تفكيرك
أنا مرتاح بس بعدك يضايقني
أنا تعبان وصوتك يشافيني
أنا ابيك بس كيف أقدر أوصلك

N

حبيبي لاينشغل بالك
أنا إنسان ماني فاضيلك
أنا بعيش حياتي من غيرك
إنت نزوه وعدت بس لما أذكرك أقول ياحليلك
صحيح قضيت معك أحلى أوقاتي
وسهرت معك أحلى سهراتي
بس إنت ما تمثل لي أي شئ بحياتي

m

صدمني يوم صارحني
جرحني يوم ودعني
قلت له: حبيبي انا عاشقك
حبيبي انا مستحيل أمحيك من ذاكرتي

N

والله إنت قلقتني وحيرتني
نسيتني أهلي وديني
حتى عن صلاتي أبعدتني
وعن أحبابي فرقتني
قولي وش تبي من واحد يحبك
يومه وأمسه وهمسه وقمره وشمسه

m

قلت: آه يالغالي يابعد كل الغوالي
نسيت يوم قلت لي: إنت روحي وإحساسي إنت أهلي وناسي
نسيت اللي خططته معك لمستقبلي وحياتي

N

قاطعني وقال: انت من تعنيتلي إنت من بغيتني
إنت من علقت نفسك فيني
تذكر يوم قلت لي كانت أمنيت حياتي أجلس معك يوم قبل وفاتي
كسرت خاطري بالحيل
وجلست أحاكيك طول الليل
قلت:حرام أكسر خاطرك
حرام أجرح هلخدود الورديه
دقيت رقمك وكلمتك
سمعت صوتك وأدمنتك
أعطيتني حب وحنان
علمتني معنى أحبك
علمتني واحشني حيل
حيرتني أحبك أو ما أحبك
وبالأخير أنبني ضميري
وعرفت إنه حي مامات
وقلت: ليش أضحك عليك دامني ماهويتك
وقررت أبتعد عنك بالحال
لأن غيرك مشاركني حياتي

m

قلت :آه رضيت بحكمك القاسي
رضيت مو لأن الحكم مرضيني
رضيت لأني ماتعودت أجرح أحبابي
وأجبرهم على دق بابي
بس قبل لاترتحل تكفى
أبيك تعرف إنك أول حب بحياتي
وغيرك مستحيل يملك روحي وذاتي
إنت ضحكه جميله
إنت ذهب نادر
إنت قلب غادر
لاتتعجب مدحتك وذميتك
بس هذا والله من ولهي عليك وحبي ليك
أنا حبيتك غير عن حب الناس
أنا حبي لك يدري عنه القاسي والحساس
أنا حبي لك مو بي إحساس
أنا حبي لك قلب ميت من الرصاص
أنا حبي لك مشاعر أغلى من الذهب والألماس

بس بذكرك بشئ الله يوفقك مع غيري

وإرحل ياحبيب الروح ومتى ما بترجع تلقى القلب لك مفتوح

..

» كيف تعرف مايدور فى ذهن الاخرين وانت صامت
» كل عام وانت طيب يا ملك المحبه
» كيف تعرف إنك داخل مدينة عدن"