ابواسلام
مشرف عالم التطوير والتكنولوجيا
علمك يا بلادى : 
وظيفتك : 
مزاجى : 
عدد المساهمات : 11
تاريخ التسجيل : 27/06/2010
 | موضوع: كيف تعرف إنك داخل مدينة عدن"  الجمعة فبراير 04, 2011 2:38 pm | |
|
كيف تعرف إنك داخل مدينة عدن"
* بنشرت سيارتك أو وقفت,وحصلت أطرف واحد يجي يدهف كبير وإلا صغير ويقولوا دهفه دهفه ( أنت في عدن )
* إذا في عرس وجهال الحاف...ة كامل مبدلين ( انت في عدن )
* إذا اعلنت سفرك وكل المعاريف والجيران جابولك سامان عشان توصله ( انت في عدن )
*إذا سمعت صوت المزمار بداء يزمر والطبول تقرع وبداءت الليوه واجوا لك عيااااااااااال من داخل عدن الى اطرافها عشان يرقصو الليوه حتى وهم ما يعرفوش العريس (انت في عــــدن)
* إدا احد أجى من سفر وحريم الحافة معلقات بالتوق(جمع طاقه) يتفرجوا علو والرجال يسلموا علو (انت في عدن )
* إذا معك حمال ورفاع ولاوبناء وهبيت صوت لعيال الركن وأجوا يجروا يساعدونك ببلاش ( انت في عدن )
*اذا شفت ناس حاملين معراج من صبح ربي ورايحين يقطعوا كهرباء على بيت من البيوت لانه ماسدد الفاتورة (انت في عدن)
* إذا في خبر ولا حشه ويكون الموضوع شمات وإلا مصيبة وأنتشرت بخمس دقائق بأداه اسمه الحشوش هههه ( أنت في عدن )
* إذا معك زعقى وإلا فوفل وإلا قرورة شراب ومن جزع من أصدقائك وقلك هبلي قليل ( انت في عدن )
* لو اتكلمت بموضوع ورجعلك نفس الموضوع بعد يومين مع الحوايج والزيادات ومعصود عصد ( انت في عدن )
* إذا واحد سولت له نفسو يآدي وحدة من بنات الحافة وإلا الحافة مسكوا سارق وشفت من يحب النبي يكبس ويدكم ( انت في عدن )
* عند طفاي الكهرباء تسمع الجوهال يصيحو ا ولمن تلصي تسمعهم برضو يصيحوا ( أنت في عدن )
* إذا أقتلب السفاط مضرابة وتبعه صياح حريم وكل وحدة تبز شيدره إلى بيت التانية والآباء مخزنين ويتفرجوا من بعيد ( انت في عدن )
* إذا قرحت كبة وقمت توالم من عشرة عشرة هذا إذا مااتحمليش إللي زبطه ( انت في عدن )
* إذا سمعت بيت يطبلوا وإلا فنانة تخوي ومن جزع يوقح وإلا يقطرف ( انت في عدن )
* إذا أجوا ناااس يخطبوا بنت من الحافة سكيتي(سكته سكته) والخبر خرج إلى رابع حافة ( انت في عدن )
* اذا واحد سبك وسمعت واحد ماتعرفوش قلك سكتله !! قوم ألطمه هههههههه ( انت في عدن )
* اذا جزعت وسمعت جهال يقولوا قرح كف وانا بفارع (انت في عدن )
* اذا شفت حريم الحافه يتشوهوا من البلكونات ويتبادلوا العشار والشتني (انت ي عدن )
* اذا قلت اشتي سلف وكل واحد دخل يده بجيبه وماعاد خرجه <<افهمه ع نفسك ( انت في عدن )
* اذا اجا رمضان وشفت حراق توائر ( انت في عدن )
* اذا شفت مجموعتين يتصايحوا ويتشارطوا بينهم البين على البرشا والريال (انت في عدن )
*(( الله عليك ياعدن بجد عدن غير مافي احسن منها ومن ناسها ))*
 | |
|
مروان
..
علمك يا بلادى :
وظيفتك : 
مزاجى : 
عدد المساهمات : 812
تاريخ التسجيل : 04/04/2009
| | موضوع: رد: كيف تعرف إنك داخل مدينة عدن" الجمعة فبراير 04, 2011 2:53 pm | |
|
ههههههههههههااااي
جميل جدا
في انتظار المزيد
| |
|
اميرالاحزان
مشرف القسم الادبي
علمك يا بلادى : 
وظيفتك : 
مزاجى : 
عدد المساهمات : 470
تاريخ التسجيل : 11/11/2009
| | موضوع: رد: كيف تعرف إنك داخل مدينة عدن" الجمعة فبراير 04, 2011 3:05 pm | |
| | |
|
