حيل الله اقوى مابقى فى يدى شى

حيل الله اقوى مابقى في يـدي شـيّ
مافيه حل ٍ فـي يـدي .. ماذخرتـه

حاولت .. لكن المحاصيل هيّ هـيّ
الطير طـار ولا بقـى الا شجرتـه

وقفّت اشوف شويّ واغمّض شـويّ
واللي انكسر في خاطـري ماجبرتـه

لين الحقت شمسي على بارد الفـيّ
وشفت ان كل اللي جمعته خسرتـه

من كثر ماعزيت ريقي عـن المـيّ
ملّ الصبر من كثر صبـر ٍ صبرتـه

كم هقوة ٍ ضاعت على سكـة الغـيّ
وكم حلم فـ ( تراب ) الحقيقه قبرتـه

واقف .. وطعنات الزمن كلهـا فـيّ
وساقي لو انه كلّ منـي / كسرتـه

بعد ماعاش اليأس في احساسي الحيّ
مدري عن اللي كنت احسبه بقى ليّ
اللي حزمت ابه الضلـوع وذكرتـه

اللي طوى حالي بحكم الهـوى طـيّ
قصّر .. وانا كل الطريق اختصرتـه

ماهو خطا لاقلت ( تآمر على شيّ )
الا الخطا .. لا اشتقت له وانتظرته

» صورة لقبر نبي الله عمران .. سبحان الله العظيم يتعجب الأنسان من طوله
» شوفو اقوى نمله بالعالم ......!
» جمال خلق الله