دق جوالـي وأحـس القلـب يومـه دق . . دق

دق جوالي وأحس القلب يومه دق .. دق

صفر خمسة أربعة .. وآخـره خمسـة سبعتيـن

قلت في بالي وش الطاري عسى المحبـوب رق

من ثمان شهور ما يسأل عسى الطـاري حنيـن

المهـم إنـي ذكـرت الله .. وقلـت الله حــق

وإضغط الزر المحدد .. سم .. عفواً .. أنت مين ؟

قلتها وأنـاأعرفـه ميـر الثقـل حـل وسبْـق

قال أنا الـي متصـل وأرجـوك زيّنهـاتزيـن

قلت ( يعني ) قال يعنـي شوفنـي ميـت زهْـق

ودي أسولف معك من غير جيـم وغيـر سيـن

قلت تآمر قـال تسلـم وإبتـدى كشـف الـورْق

وأسمعه دق ( السبيكر ) قلت .. عونـك يا معيـن

قال وش حالك عساك بخير .. قلت الخيـر طـق

من عقب فرقاك يا قاسـي غـدا حالـي حزيـن

قال قلبك وش علومـه .. قلـت قلبـي إحتـرُق

ما قـوا هجـرك ولا بعـدك ولا قهـر السنيـن

قال شعرك .. قلت شعري .. لا أبد طـب وتنْـق

كل خفّاقي قصايد .. مـن يسـار ومـن يميـن

قال كبه .. قلت أكبه .. قـال والمركـب غـرْق

قلت مركب إيش هذا .. قـال طحـت بهالكميـن

ماني بصاحبك بس أرجـوك مـن يسبـق لبْـق

إنت أسلوبك عسـل وأنفـاس حكيـك ياسميـن

بالغلط دقيـت .. وأحمـد ربـي الـرازق رزْق

والله أعلم إنـك مشبـه علـى شخـص ثميـن

قلت لحظة ما هي الدعوة صحـن خبـز ومـرْق

إصبر إصبر خلني أعرف مكـان اللبـس ويـن ؟

قمت أراجـع رقمـك الموجـود وأشوفـه فـرْق

أنت خمسه سبعتين وذاك سبعه خمستيـن !!

مما راق لي